|
ᑎᑎᕋᖅᓯᒪᔪᑦ
 ᑕᑯᔪᓐᓇᖅᑕᑎᑦ ᑎᑎᖅᑲᓕᐅᕈᓐᓇᖅᑕᑎᓪᓗ ᐱᕙᓪᓕᐊᔪᑦ ᓴᖅᑭᑎᑕᐅᔪᑦ
ᐊᒃᑑᐸ 22, 2009
EN ᓯᑎᐱᕆ 30, 2009
EN ᑐᑭᓯᒋᐊᒃᑲᓐᓂᕈᒪᒍᕕᑦ
|
ᖃᓂᒪᓐᓇᖅᑐᖅᑭᓲᕙ ᑖᓐᓇ ᖃᓂᒪᓐᓇᖅᑐᖅ?ᑖᓐᓇ ᖃᓂᒪᓐᓇᐅᔪᖅ ᐋᓐᓂᐊᖑᕗᖅ ᐊᒃᑐᖅᓯᕙᒃᖢᓂ ᐃᓄᐃᑦ ᐳᕙᖏᓐᓂᒃ. ᑕᒪᕐᒥᑲᓴᒃ ᐃᓄᐃᑦ ᑖᔅᓱᒥᖓ ᐋᓐᓂᐊᓖᑦ ᐋᓐᓂᐊᕈᓐᓃᑦᑎᐊᖅᐸᒃᐳᑦ ᖃᓄᐃᓕᐅᖅᑕᐅᙱᒃᑲᓗᐊᖅᖢᑎᒃ. ᑭᓯᐊᓂᑦᑕᐅᖅ, ᑖᓐᓇ ᖃᓂᒪᓐᓇᖅᑐᖅ ᐃᓚᖏᓐᓂᒃ ᐃᓄᖕᓂᒃ (ᓲᕐᓗ ᐃᓐᓇᕐᓂᒃ) ᐋᓐᓂᐊᕐᔪᐊᓕᖅᑎᑦᑎᔪᓐᓇᖅᐳᖅ.
ᖃᓄᖅ ᑖᓐᓇ ᓯᐊᒻᒪᒃᐸᓪᓕᐊᕙᒃᐸ ?ᑖᓐᓇ ᖃᓂᒪᓐᓇᐅᔪᖅ ᓯᐊᒻᒪᒃᐸᓪᓕᐊᕙᒃᑐᖅ ᖃᐅᓯᒐᓛᒃᑐᑯᓗᖕᓄᑦ ᑕᒋᐅᖅᑕᐅᕙᒃᑐᓄᑦ ᖁᐃᖅᓱᖅᑕᐅᕙᒃᑐᓄᓪᓗ ᐊᒡᒐᒃᑯᓪᓗ ᐊᒃᑐᖅᓯᓂᒃᑯᑦ. ᑕᐃᒪᐃᓐᓂᖓᓄᓪᓗ ᑕᕝᕙ ᐱᓕᕆᐊᖑᕙᒃᑐᑦ ᓲᕐᓗ ᖁᐃᖅᓱᓕᕌᖓᕕᑦ ᑕᒋᐅᓕᕌᖓᕕᓪᓗ ᒪᑐᓯᒪᕙᒃᑯᕕᒋᑦ ᐊᒡᒐᑎᓪᓗ ᐅᐊᓴᖅᐸᒃᑯᕕᒋᑦ ᒥᑭᒡᓕᒋᐊᖅᑎᑦᑎᓯᒪᔪᓐᓇᒻᒪᕆᒃᐳᖅ ᓯᐊᒻᒪᒃᐸᓪᓕᐊᓂᕆᕙᒃᑕᖓᓂᒃ.
ᖃᓄᐃᑦᑑᕙᑦ ᖃᐅᔨᔾᔪᑕᐅᔪᓐᓇᖅᑐᑦ ᖃᓂᒪᓂᖃᕐᓂᕐᓂᒃ ᑕᐃᒪᐃᑦᑐᒥᒃ?ᑕᒪᕐᒥᑲᓴᑦᑎᐊᖅ ᖃᓂᒪᓕᖅᑐᑦ ᑕᐃᒪᐃᑦᑐᒧᑦ ᐆᓇᕐᓂᖃᓕᖅᐸᒃᐳᑦ ᖁᑦᑎᖕᓂᖅᓴᒥᑦ 38 ᑎᒍᕇᔅ ᓯᐅᓪᓯᐅᔅ ᖁᐃᖅᓱᖅᐸᒃᖢᑎᒡᓗ. ᐊᓯᖏᑦ ᖃᐅᔨᔾᔪᑕᐅᔪᓐᓇᖅᑐᑦ ᐅᑯᓂᖓ ᐃᓚᖃᕈᓐᓇᖅᐳᑦ, ᓂᐊᖁᙳᓂᕐᒥᒃ, ᐆᓕᑲᑕᖕᓂᕐᒥᒃ, ᐃᒡᒋᐊᖅᑯᕐᓗᖕᓂᕐᒥᒃ, ᑳᙱᑦᑎᐊᕐᓂᕐᒥᒃ, ᓄᑮᑦ ᐋᓐᓂᐊᕈᓘᔭᕐᓗᑎᒃ, ᑕᖃᓯᒪᓂᕐᒥᒃ, ᑲᒃᑭᓕᑲᑕᖕᓂᕐᒥᒃ, ᑕᒋᐅᖅᓴᕐᓂᕐᒥᒡᓗ.
ᐃᓱᒫᓘᑎᖃᕈᕕᑦ ᑖᑯᓂᖓᓘᓐᓃᑦ ᖃᐅᔨᔾᔪᑕᐅᔪᓐᓇᖅᑐᓂᒃ ᐊᑐᕈᕕᑦ, ᐊᖏᕐᕋᖅᓯᒪᓗᑎᑦ ᐅᖄᓚᕝᕕᒋᓗᒍᓗ ᓄᓇᔅᓯᓐᓂ ᐋᓐᓂᐊᕕᒃᓯ ᑭᒃᑯᑐᐃᓐᓇᓄᓪᓘᓐᓃᑦ ᐃᓗᐊᖅᓴᖅᑕᐅᕝᕕᐅᕙᒃᑐᖅ ᑐᓴᖅᑕᖃᒃᑲᓐᓂᕈᒪᒍᕕᑦ. ᑕᒪᓐᓇ ᐃᑲᔪᕋᔭᖅᑐᖅ ᑕᒪᓐᓇ ᖃᓂᒪᓐᓇᖅ ᓯᐊᒻᒪᒃᑎᖅᑕᐃᓕᒪᓗᒍ.
ᖃᓄᐃᓕᐅᕈᓐᓇᖅᐱᑦ ᐃᓕᖕᓂᒃ ᓴᐳᑎᓯᒪᔪᒪᒍᕕᑦ ᐃᓚᑎᓪᓗ ᓴᐳᑎᓯᒪᔪᒪᒍᕕᒋᑦ? ᐊᕐᕌᒍᑕᒫᑦ ᑕᒪᑐᒧᖓ ᖃᓂᒪᓐᓇᒧᑦ ᑲᐱᔭᐅᕙᖕᓂᖅ ᐱᐅᓂᖅᐹᒍᕗᖅ ᐃᓕᖕᓂᒃ ᐃᓚᖕᓂᒡᓗ ᓴᐳᑎᓯᒪᓂᐊᕈᔅᓯ. ᐊᒡᒐᑎᑦ ᐅᐊᓴᖃᑦᑕᕈᕕᒋᑦ ᓄᖅᑲᖅᑎᑦᑎᓯᒪᓇᔭᖅᐳᖅ ᑕᒪᐃᓐᓂᒃ ᖃᓂᒪᓐᓇᓂᒃ ᓯᐊᒻᒪᒃᐸᓪᓕᐊᑎᑦᑎᙱᓪᓗᓂ. ᐊᒡᒐᑎᑦ ᐅᐊᓴᖅᐸᒡᓗᒋᑦ ᐅᐊᓴᐅᒻᒧᑦ ᐃᒪᕐᒧᓪᓗ ᐅᐊᓴᑦᑎᐊᖅᐸᒡᓗᑎᑦ ᐅᐊᓴᕋᔪᒡᓗᑎᓪᓗ. ᐅᐊᓴᐅᒻᒥᒃ ᐊᔾᔨᐅᙱᑦᑐᒥᒃ ᐊᑐᕆᐊᖃᙱᑦᑎᐊᖅᑐᑎᑦ ᐅᐊᓴᐅᑎᑐᐃᓐᓇᒥᒃ. ᐅᐊᓴᐅᑏᓪᓗ ᐃᒪᕐᓗ ᒪᓂᒪᙱᒃᑳᖓᑎᒃ, ᐊᑐᖅᐸᒡᓗᑎᑦ ᐋᓪᑲᕼᐋᓪᒥᒃ-ᐃᓚᓯᒪᔪᒥᒃ ᖁᐱᕐᕈᐃᔭᐅᑎᒥᒃ (ᕿᓂᖅᑐᒥᒃ ᐊᓪᓚᕈᑎᓂᒡᓘᓐᓃᑦ). ᖃᓃᓪᓗ ᓱᕐᓘᒃᑭᒡᓗ ᒪᑐᕙᒡᓗᒋᒃ ᑲᒃᑭᐅᑎᒃᓴᒧᑦ ᖁᐃᖅᓱᓕᕌᖓᕕᑦ ᑕᒋᐅᓕᕌᖓᕕᓪᓘᓐᓃᑦ ᑖᓐᓇᓗ ᑲᒃᑭᐅᑎᒃᓴᖅ ᐊᑐᓵᖅᑕᐃᑦ ᐃᒋᑉᐸᒡᓗᒍ. ᖁᐃᖅᓱᖅᐸᒡᓗᑎᑦ ᑕᓕᕐᓄᑦ ᑲᒃᑭᐅᑎᒃᓴᖃᙱᒃᑯᕕᑦ. ᐊᖏᕐᕋᖅᓯᒪᕙᒡᓗᑎᑦ ᖃᓂᒪᓕᕌᖓᕕᑦ ᐊᓯᖕᓂᒡᓗ ᐃᒡᓗᕐᔪᐊᕐᒥᐅᑕᐅᖃᑎᖕᓂᒃ ᖃᓂᒃᓴᓗᐊᖅᑕᐃᓕᒪᕙᒡᓗᑎᑦ. ᐃᒪᓐᓇᐅᒐᔪᒃᑐᖅ, ᑭᒃᑯᑐᐃᓐᓇᐃᑦ ᖃᓂᒪᓂᓖᑦ ᐊᖏᕐᕋᖅᓯᒪᓪᓗᐊᖅᐳᑦ 7-ᓄᑦ ᐅᓪᓗᓄᑦ. ᖃᓂᒪᓂᖃᕐᓂᕐᓄᑦ ᐱᓯᒪᔭᑎᑦ ᓄᖅᑲᖅᐸᑕ 7-ᐃᑦ ᐅᓪᓗᐃᑦ ᐊᓂᒍᓚᐅᙱᓐᓂᖏᓐᓂ, ᐅᑕᖅᑭᓗᑎᑦ ᐅᓪᓗᒥᒃ ᐊᑕᐅᓯᕐᒥᒃ ᐅᑎᓚᐅᙱᓐᓂᕐᓂ ᐱᓕᕆᐊᕆᕙᒃᑕᕐᓄᑦ. ᐊᑐᖅᑕᐅᒐᔪᒃᑐᑦ ᖄᓖᑦ ᐱᖁᑏᓪᓗ ᓴᓗᒪᑎᑉᐸᒡᓗᒋᑦ ᖁᐱᕐᕈᐃᔭᖅᓯᒪᕙᒡᓗᒋᓪᓗ, ᓲᕐᓗ ᒪᑯᐊ, ᐹᑉ ᑎᒍᓕᖏᑦ, ᐅᖄᓚᐅᑎᐅᑉ ᐅᖃᓪᓚᒡᕕᖓ, ᓂᕿᓕᐅᕐᕕᒃ ᐅᐊᓴᕐᕕᖕᒥᓗ ᐋᓪᓕᕋᐅᔭᖏᑦ, ᖃᕆᑕᐅᔭᐃᑦ ᓇᕿᑦᑕᕐᕕᖏᑦ. ᐊᑐᕈᓐᓇᖅᑐᑎᑦ ᐊᑐᖅᑕᐅᒐᔪᒃᑐᓂᒃ ᐃᒡᓗᕐᔪᐊᕐᒥ ᓴᓗᒻᒪᖅᓴᐅᑎᓂᒃ ᖁᐱᕐᕈᐃᔭᐃᔾᔪᑎᒋᓪᓗᒋᑦ.ᒪᑯᓂᖓ ᐊᒥᖅᑳᖃᑎᖃᖅᑕᐃᓕᒋᑦ, ᐃᒥᐅᑎᓂᒃ ᐃᕐᙳᓯᕐᓂᒃ ᐊᓕᒍᕐᓂᒡᓘᓐᓃᑦ, ᖃᖅᖢᒧᑦ ᑕᖅᓯᖅᓲᑎᓂᒃ, ᓯᒡᒐᓕᐊᓂᒡᓘᓐᓃᑦ, ᐳᐃᒍᖅᑕᐃᓕᕙᒡᓗᑎᓪᓗ ᓇᖕᒥᓂᖅ ᐱᖁᑎᑎᑦ ᓲᕐᓗ ᑭᒍᑎᓯᐅᑏᑦ ᐃᓛᒃᑰᖅᑎᑉᐸᒡᓗᒋᑦ ᑲᑎᙵᑎᑉᐸᙱᓪᓗᒋᑦ. |
ᑭᖑᓪᓕᕐᒥ ᐋᖅᑭᒋᐊᖅᑕᐅᔪᖅ
Visit your Health Centre or Iqaluit Public Health to get your H1N1 and seasonal flu vaccines. ᓯᖓᐃᕖᑦ?
ᓯᖓᐃᔪᑦ ᐊᕐᓇᐃᑦ ᖁᐊᖅᓵᕐᓇᖅᑐᒦᓐᓂᖅᓴᐅᕗᑦ ᓴᖅᑭᕝᕕᐅᓕᕋᔭᕐᓂᕐᒥᒃ ᐊᔪᕐᓇᖅᑐᖅᓯᐅᕈᑎᒃᓴᒃᑲᓐᓂᕐᓂᒃ ᑖᔅᓱᒪᙵᑦ H1N1-ᒥᒃ ᖃᓂᒪᓐᓇᒥᑦ.
ᓯᖓᐃᒍᕕᑦ ᖁᐃᖅᓱᑲᑕᓕᕐᓗᑎᒡᓗ ᐆᑎᕐᓇᑲᑕᓕᕐᓗᑎᓪᓗ, ᓂᐊᖁᙳᑲᑕᓕᕈᕕᑦ, ᕿᐅᑲᑕᓕᕈᕕᑦ, ᐃᒡᒋᐊᖅᑯᕐᓗᒃᑯᕕᑦ, ᑳᑲᑕᙱᒃᑯᕕᑦ, ᑎᒥᒃᑯᑦ ᐋᓐᓂᐊᕈᓘᔭᕈᕕᑦ, ᓱᕐᓘᒃᑭᒃ ᑯᕕᑲᑕᓕᖅᐸᑎᒃ, ᑕᒋᐅᖅᓴᖃᑦᑕᓕᕈᕕᑦ, ᐃᔩᒃᑭᒃ ᖁᕝᕕᐅᑲᑕᓕᖅᐸᑎᒃ, ᓈᒃᑯᑦ ᐋᓐᓂᐊᑲᑕᒃᑯᕕᑦ, ᒥᕆᐊᑲᑕᒃᑯᕕᓪᓘᓐᓃᑦ “ᐊᕿᑦᑐᖅᓱᕈᕕᓪᓘᓐᓃᑦ” (ᐊᓇᕋᓚᒃᑯᕕᑦ) ᐅᖄᓚᓯᑲᐅᑎᒋᓂᐊᖅᐳᑎᑦ ᓄᓇᔅᓯᓐᓂ ᐋᓐᓂᐊᕕᓕᐊᕐᕕᔅᓯᓐᓄᑦ.
ᐱᕐᔪᐊᒻᒪᕆᐊᓘᕗᖅ ᐃᓕᖕᓂᒃ ᕿᑐᕐᙵᒃᓴᐃᓪᓗ ᓴᐳᑎᓯᒪᒍᔅᓯᒃ H1N1-ᒧᑦ ᖃᓂᒪᓐᓇᒧᑦ ᑕᒪᓐᓇ ᑲᐱᔭᐅᓐᓇᖅ ᒪᓂᒪᓕᑐᐊᖅᐸᑦ ᓄᓇᔅᓯᓐᓂ ᓄᕕᐱᕆᐅᓕᖅᐸᑦ.
|
| ᐅᐸᒍᓐᓇᖅᑕᑎᑦ | ᑲᓐᖑᓇᖅᑐᓕᕆᓂᕐᒧᑦ | © ᓄᓇᕗᑦ ᒐᕙᒪᖓ 2009 | ||
